凍凍地打邊爐！

 

天氣開始涼涼哋，朋友話去譚魚頭打邊爐～正呀！😋

原來佢以前有7間分店，2014年全線結業，最近竟然回歸香港，仲揀咗荃灣海之戀開新店～

二人套餐 $488，包晒湯底、魚頭、魚滑、牛肉(改豚肉)、響鈴卷、娃娃菜、金針菇同甜品，抵食到爆 💥。

我哋揀咗番茄鍋底，酸酸甜甜好清爽，打邊爐啱晒～

招牌花鰱魚頭大概要煮8分鐘，魚唇同魚腦超滑嫩又帶膠質，啖啖鮮香，真係正到飛起 🐟✨。

豚肉薄切放冰山上，好fresh又有型。

響鈴卷炸到金黃，入口酥脆，下鍋涮幾秒就變得軟滑吸湯汁，好好味 🤤。

娃娃菜清甜脆嫩，金針菇吸湯後更加鮮美～

最後侍應仲提議可以加薯粉，不過我哋已經夠飽啦～🍲

👉 總結：譚魚頭回歸，魚頭依然咁正，套餐抵食又滿足！

#二人套餐

#譚魚頭 (荃灣)

地址: 香港荃灣大河道100號海之戀商場3樓3017-3018號舖

電話: +852 24888911

出色滬菜！

 

好友約食午餐，因知道上海中山公園凱悅尚萃酒店行政副總廚「劉志方師傅」來港，推出地道的滬菜（另稱上海菜），而單點菜式供應至12月31日止。

我們叫了其中幾味菜式試試，包括：啫喱舟山蜇頭 + 撈汁蟶子、乾燒大明蝦、醃篤鮮、外婆紅燒肉、泡泡春卷、弄堂鍋貼及甜品。

啫喱舟山蜇頭 + 撈汁蟶子～

舟山蜇頭肉厚爽脆，加入陳醋的啫喱食落清涼有冰凍感，晶瑩剔透的啫喱夾雜帶鹹香的蜇頭，入口如「冰涼的海水」。蟶子肉質肥美爽滑，經過麻辣撈汁浸潤後，色澤油亮，香氣撲鼻，令人食慾大開。

乾燒大明蝦～

蝦肉爽口彈牙，食落鮮甜，並帶有由醬汁帶來的鹹香微辣與酸甜交織的風味；整體香濃，層次感豐富，如來一碗白飯，更是妙極。

醃篤鮮～

乳白且濃郁的湯汁，味道醇厚，同時帶有鹹鮮和蔬菜的清甜味，鹹肉軟糯酥爛，肉質鮮嫩，春筍則爽脆清甜，百頁結吸滿湯汁的精華，比肉更加香濃。

外婆紅燒肉～

肥肉軟爛、入口即化、肥而不膩，口感如布丁般滑溜，瘦肉則保留適當肉汁，食落不柴；旁邊放有鮮甜翠綠的青菜及滑嫩Q彈的鵪鶉蛋；整體香甜鹹鮮，帶有濃郁的酒香和醬油味，是非常出色又令人回味的菜式。 

泡泡春卷～

春卷外層炸至金黃酥脆、餡料則軟糯清甜，食落口感清爽，不油膩；旁邊以黃菊花襯托，看似一幅畫般美麗。

弄堂鍋貼～

外皮煎至金黃香脆，咬落不會過硬，內餡的鮮美保持多汁，形成強烈對比，一口咬下能同時享受到酥脆加上肉質的鮮嫩滋味，非常好吃。 

甜品選了軟糯又Q彈的「栗子蓉西米焗布甸」，甜度不算高，外層微脆、軟糯香滑的西米及香滑的栗子蓉則藏在中間，口感豐富又夠熱；酥皮流沙盞是這裏經典嘅甜品，又豈能放過。

劉師傅高超的表演，難怪能成為酒店的行政副總廚；想一試他出色的菜弍，就記得訂位試吓啦！

#凱悅軒 (尖沙咀)

地址: 香港尖沙咀河內道18號香港尖沙咀凱悅酒店3樓

電話: +852 37217788