早前和好友到此嘆下午茶，得知這裡的自助餐相當有水準；兼且選擇多，當下立即訂位和老婆撐枱腳。
先講講價錢，自助晚餐供應時間：
星期一至日及公眾假期：6pm - 9:30pm
價錢：星期一至星期四
成人：$648+10%
小童：$324+10%
星期五至日及公眾假期：
成人：$728+10%
小童：$364+10%
OpenRice 會員經由OpenRice 網上訂位，更可享有75折優惠，有效兌換日期至4月30日。
口罩套及火酒放在入口當眼處，方便人客隨時取用。
隨侍應帶領，進場後便瞥見左手邊的芝士及Cold Cut區，四款芝士(Boursin Cheese、Comte
Cheese、Manchego cheese、Brie Cheese)、麵包、火腿、香腸及橄欖等陳列眼前。
而右邊是凍海鮮區 - (龍蝦、長腳蟹、翡翠螺、大蝦及青口)、壽司、刺身區(八爪魚、油甘魚、吞拿魚、三文魚)，另有即點即煮粉麵、沙律及煙三文魚。
繼續前行便是人見人愛的甜品區、雪糕區及生果區，咁吸引；難免要一路行、一路睇。
再進一步便是座位區，以及長長一列；不同風味的美食區。
先看右邊的烤焗區，置有不同的烤焗食物，計有盲曹、蒜蓉牛油煮蜆、燒鯖魚配照燒汁、烤根莖菜、蕃薯蓉、烤意大利青瓜、煙燻火雞、煙燻牛腩、粟米糕、炸洋蔥圈、燒羊髀、森巴醬燒雞腿、越式豬頸肉等。
再往前一點，是印度食品(咖喱雞、椰菜花薯仔咖喱、香菜炒雞、印度黃咖喱豆、青咖喱雜菜、羊咖喱飯、海鮮紅咖喱)、冬陰公及惹味的芝士炒通粉，喜香辛類及重口味的就不要錯過了。
中菜當然唔少得啦，有辣有唔辣(蜂巢炸墨魚、炸蜜瓜脆奶、金湯龍蝦鉗、蒜茸蒸墨魚仔、酸菜魚、剁椒東風螺、當歸豬手、蓮藕章魚煲唐排、韮菜花炒鹹肉、油鹽水青口、薑汁炒芥蘭、叉燒炒烏冬、瑤柱蛋白炒飯、)，陣容豐盛。
吃至7:30時忽聞銅鑼聲響起，原來是「椰子烏雞瘦肉燉湯」的出爐時間，味道頗清甜滋潤，我足足喝了兩大盅才滿足。
原來仲有我鍾意嘅喇沙，真係要度一度個肚嘅擺位啦😜
好啦，開餐啦🍴芝士相當有水準，隻隻都好食；真有點衝動即時來多轉！老婆就覺得Salami、橄欖及油漬甜椒又係好正。仲有仲有，唔好放過呢樽杏仁粒呀，香又脆，好夾芝士呀。
沙律一向係我至愛，當然要整番碟什錦滿足一番啦。
刺身整體來講水準一般，但當中的油甘魚及八爪魚都幾唔錯，可以一試。
滿滿一整碟凍海鮮，青口鮮嫩juicy、蟹腳肉鮮唔削、大蝦鮮爽彈牙；吃完後再encore了一轉。
中湯是蓮藕章魚煲唐排，水準也不錯，雖然比不上燉湯，也是值得一喝的。蜂巢炸墨魚及炸蜜瓜脆奶又係不可錯過，前者的蜂巢即是反轉了的豆卜；又香又酥脆，配墨魚膠真係無得輸！炸蜜瓜脆奶的漿脆而薄；內餡滑而不過甜。酸菜魚肉嫩香滑，小試了一口湯汁，味道較溫和(我都接受到你就知啦)，對老婆而言當然是缺了點勁度啦。
香辛料區的冬陰功、椰菜花薯仔咖喱、香葉炒雞最吸引，將薄脆蘸了咖喱汁來吃，真是一樂也。
甜品種類太多，不如就問問侍點師那些最有特色吧，當中的棉花糖朱古力吉士酥皮、綠茶柑蛋糕、海鹽焦糖泡芙及香橙蛋糕柑慕斯，甜度不太高，細細件不怕太多，最合我意。
生果有五款：哈蜜瓜、西瓜、菠蘿、蜜瓜及火龍果，哈蜜瓜和菠蘿最合我口味。
雪糕有八款，我選了當中的三款(士多啤梨雪糕、威士忌酥餅雪糕及石板街雪糕)，酸酸甜甜的士多啤梨和帶酒香的威士忌酥餅都值得一吃。
每位客人可免費享用一杯飲品，我們就揀了最愛的伯爵茶，享用完這杯清新的解膩茶後，是時候帶著身心俱滿的感覺回家了。
大灣咖啡廳
地址: 紅磡紅鸞道38號香港嘉里酒店3樓
電話: 22525246
