九龍城人氣餐廳 !

 呢間九龍城人氣餐廳嘅食評幾兩極，並唔係部份人話食物好而另一啲話差；相反，大多數人都表示水準唔錯，反而服務態度就麻麻。

既然咁旺埸，先打電話留位穩陣啲，但一直打唔通，最後要經FB訂位，到門口；果然見到多人在輪候，好在book咗位，等咗幾分鐘已可入內，未見服務有咩大問題。

舖內有不同型態嘅貓頭鷹裝飾。

分別點選咗一個貓頭鷹全日餐及自選配搭全日早餐，前者包括番茄、班尼迪蛋、煙三文魚麵包、牛角包、大啡菇、煙肉、豬肉腸、薯角、沙律、粟米及茄汁豆；後者就自選咗煙三文魚、班尼迪蛋、薯角、番茄同蟹肉牛油果多士；食物水準正常，味道唔錯，但未見有咩特色；唯一係自選早餐有多款選擇，比較有彈性及更個人化。

飲品分別揀咗Long Black及Cappuccino，Long Black 嘅味道同美式咖啡相似，只係落嘅次序、咖啡同水嘅比例唔同，飲落都唔錯；Cappuccino 嘅奶泡打得堅挺又綿密，幾香滑，以店舖的吉祥物為圖案，實在惹人歡喜！

結賬時仍見多人輪候，想一試，就記得先訂位啦。

The Yell-Owl Seafood and Grill

地址: 九龍城福佬村道5-9號地下C號舖

電話: 23366835