生日飯 !

 好友生日，當然要約出嚟食返餐飯，選址就在太子站附近的「亞南雞煲」，門外張貼了很多不同種類的湯雞煲作推廣，其它還有花膠鮑魚煲、海鮮煲及羊腩煲等供應。

如時間適合，這個宵夜(9:30pm-02:00am)88折優惠，就最是吸引。

天氣悶熱，這杯冰涼又大杯的檸檬茶，解渴又消暑。

人未到齊，先叫些小吃邊吃邊等，叫了微辣又惹味的尖椒皮蛋、爽彈又鮮嫩的冰鎮墨魚鬚、酥脆又香口的油炸鬼墨魚滑及蝦多士。

早前吃完六福的椒鹽鮑魚，真係無得頂，見這裏也有，一於叫來試試，鮑魚鮮嫩又爽彈，雖然比六福差少少，但都算食得過。

原來朋友事先已預訂了這個「冬瓜瑤柱花甲濃湯雞煲」，選擇改用新鮮三黃雞，雖然貴少少(加$200)，但味道真係無話可說，肉質鮮嫩有咬口，和冰鮮雞真係完全不能相比，雞湯底香濃黏口，大大隻鮮甜爽脆的花甲，更是另一賣點。

我們另加了煙韌有彈性的原條花膠筒及脆嫩帶鮮味的野生竹笙，這兩款也非常出色；最後加多碟炸響鈴、蟹籽手打墨魚滑及雜菜籃，也是很不錯。

食物水準不錯，如果食牛及吃得辣的，據說辣雞煲及手切肥牛也很出色，大家可以考慮一下。

#亞南雞煲

地址: 太子花園街211號地舖

電話: 23926100