九龍城人氣餐廳 !

 呢間九龍城人氣餐廳嘅食評幾兩極，並唔係部份人話食物好而另一啲話差；相反，大多數人都表示水準唔錯，反而服務態度就麻麻。

既然咁旺埸，先打電話留位穩陣啲，但一直打唔通，最後要經FB訂位，到門口；果然見到多人在輪候，好在book咗位，等咗幾分鐘已可入內，未見服務有咩大問題。

舖內有不同型態嘅貓頭鷹裝飾。

分別點選咗一個貓頭鷹全日餐及自選配搭全日早餐，前者包括番茄、班尼迪蛋、煙三文魚麵包、牛角包、大啡菇、煙肉、豬肉腸、薯角、沙律、粟米及茄汁豆；後者就自選咗煙三文魚、班尼迪蛋、薯角、番茄同蟹肉牛油果多士；食物水準正常，味道唔錯，但未見有咩特色；唯一係自選早餐有多款選擇，比較有彈性及更個人化。

飲品分別揀咗Long Black及Cappuccino，Long Black 嘅味道同美式咖啡相似，只係落嘅次序、咖啡同水嘅比例唔同，飲落都唔錯；Cappuccino 嘅奶泡打得堅挺又綿密，幾香滑，以店舖的吉祥物為圖案，實在惹人歡喜！

結賬時仍見多人輪候，想一試，就記得先訂位啦。

The Yell-Owl Seafood and Grill

地址: 九龍城福佬村道5-9號地下C號舖

電話: 23366835

人氣食店！

 這是老婆一早已想幫襯的人氣食店，但超級難book，今次原本也要下午四點才有位，可幸有客取消booking，得以提早中午12點半入座。

清新的蘋果綠店面充滿活力感。

小店大約只有30個座位，每張枱只可坐兩人，更要保持適當距離，令訂位難度再加倍。

只提供a la carte，不設套餐供應，老婆早前看過「毛姐」的推介，已有心水選擇，但原來某些已是上一季菜單，部份已作更改。

有餚當然要有酒啦

點了兩杯不同款的白酒及一杯紅酒，但跟食物卻不怎麼搭調。

第一度上的是Irish rock，在蠔面上鋪了一層薄薄的dill sauce，估不到跟主角幾夾，不會奪去其鮮味之餘，更添一絲芳香，很妙的配搭！

裹著鴻喜菇的炸漿簿又脆，非常乾身，內裡卻仍保持濕潤，芝士絲鋪滿表面，更添鹹香惹味，吃著還覺有少許海鮮味；非常棒的一度小吃，必食推介！

油甘魚青提紅提切片煙燻茄子蓉的調味有點過濃，掩蓋了油甘魚本身的油香，好在魚肉鮮甜，底層的茄子蓉啖落有點似肉醬，淡淡的煙燻味配醬汁同吃，也算不錯。

香橙鴨胸肉色粉嫩，先煎香外層以高溫鎖住水份，再置於焗爐加熱；肉質鮮香軟嫰，Carrot Puree外有一層薄薄的炸漿，帶微酸甜的甘荀能將油膩感有效降低。

炸得金黃的薯條酥脆不油膩，又是另一必吃之選，據說是來回炸兩次，而第二次回炸主要係用高溫將油份逼出，做成少油香脆的口感，正到不得了！

Rhubarb大黃貌似芹菜，首次吃以它作的甜品，口感清爽帶果香，微酸；底層係杏仁蛋糕，甜度不高，而旁邊甜甜的白醬，方便用以調整甜度。

反而更喜歡後上的貝殼蛋糕，外層微脆，帶濃濃的牛油香，鬆軟好吃，多吃幾件也不嫌膩。

很多食肆都有同一情況，就是由初段至臨近尾段的質素也讓人滿意，可去到咖啡部份就拖累了整體分數，但這裏的Latte卻相當不錯，雖然奶泡打得唔夠厚，但口感香滑、咖啡味濃，值得一試。

兩個人實在吃不到太多，希望疫情緩和後，可以多約點朋友來盡掃餐牌吧。

jean may

地址: 灣仔機利臣街14號地下A號舖

電話: 35906033

韮菜餃 !

 早前在亞蘇的頻道見到這間蘇記雲吞，原來就在屋企附近，一於就買來試試；但幾次中午時段來也沒有開門，唯有早上來碰碰運氣啦，原來經亞蘇介紹過後，未到中午便已沽清，有心一試的就最好早啲到啦。

這裡只有三款餃子，分別是菜肉餃($50/40隻)、韮菜餃($50/40隻)及鮮蝦雲吞($25/12隻)。

蘇記的餃子細細隻，的的骰，一口一粒剛剛好，一個人閑閑哋也可食二十多隻；我就比較喜歡韮菜餃及鮮蝦雲吞，韮菜味道香濃惹味，鮮蝦爽口彈牙，兩人分食兩盒剛剛好。

友人教用豉油、麻油、胡椒粉作湯底，原來跟餃子很夾，大家不妨試試。

#菜肉餃

#韮菜餃

#鮮蝦雲吞

#蘇施黃

#油麻地蘇記雲吞

 九龍界限街12號寶興大廈地下7號舖

電話：92005761 林生

遲到好過無到！

 呢個「法式麵包布甸」嘅勢頭確係勁，喺FB經常見到佢嘅蹤影。

最近終於的起心肝去買，同想像一樣，未到四點，店外已排滿將近80人(4:30開賣)，認真誇張！等咗差不多半個鐘，終於見人龍開始郁動，再大約等多十幾分鐘至完成任務。

排咗咁耐，當然要買夠四個啦(每人限買四個)，驟眼睇，佢嘅造型其實同蛋撻有幾分相似。

中間嘅布甸原來係以德國忌廉同丹麥全脂牛奶製作而成，凍食滑溜Creamy，如果灑啲白糖喺布甸表面；再以火槍炙燒，營造出焦脆糖衣，又係另一番風味！法包經焗爐翻熱之後更顯香脆，口感更佳，滋味更好！

$15一個，係試得過嘅。

嘉多利天然酵母手作麵包店

地址: 油麻地碧街54號地舖

電話: 29888018

默默耕耘 !

 不知不覺，這間小店已開業將近五年了；自從早年試過後，我也極喜愛這裏的食物，所以間中也會再次幫襯。

店名每次也會令我想起90年代的卡通人物「FIDO DIDO」，不知店主是否因此而改此名呢！最近改以這個像「小精靈」的公仔，感覺更加別緻可愛。

最喜歡這裏的手作闊麵及薄餅；闊麵煙靭有蛋香，加上採用日本生雞蛋，吃落更覺香滑。

厚身的薄餅，煙韌中帶鬆脆，美味可口；而菠菜葉色澤濃綠，香甜鮮美；惹味的芝士，更是靈魂所在。

免費附送的水果茶及玄米茶，清甜解渴，也是水準之作。

雖然多年來食物種類及變化不大，但每次吃也可保持高質素水準，已是相當難得；她們默默耕耘、努力經營，是值得我們欣賞及支持的。

#凍水果茶 

#凍冷泡玄米茶 

#忌廉汁醃肉.日本生雞蛋配手作闊麵  $96

#菠菜葉.車打芝士.馬蘇里拉芝士手作薄餅 $96

#FooDo 

地址: 旺角通菜街1A-1L號威達商業大廈地下C號舖

電話: 90166327