「最後晚餐」！

 回味仍有晚市時，與友儕一起的歡樂時光！

這個「最後的晚餐」選在中環街市一樓的西餐廳，環境開揚，分Bar Area及Dinning Area，如只想飲杯咖啡或吃件甜品，坐於吧枱上也未嚐不是一種享受。

開放式廚房也是近年大勢所趨，見到廚房整潔乾淨，食客自然食得更加安心放心。

點餐後隋即叫杯飲品，一於邊飲邊等。

「Virgin COT」以混合茶再加上檸檬調制而成，味道清爽細膩帶微酸，有啲似檸檬茶。

「Black & White Film」是以咖啡、紅豆、鮮奶及Vodka混合而成，層次分明，外貌有點似西米布甸，但飲落卻像紅豆冰。

而這杯「ION Martini」則是以咖啡、抹茶及Gin混合而成，濃郁帶甘甜，幾合我口味。

首先上場的小吃係「大小食拼盤」，內含炸薯條、蘿蔔花雜菜卷、炸三文魚餅、避風塘炸魚薯條、牛舌伴番茄莎莎、油甘魚他他配Gin酒浸西瓜、爆谷蝦及宮保牛柳粒八款小食，全部香脆可口，送酒一流。

「大澳凱撒沙律」以銀魚乾來代替煙肉，口感更加香脆，也增添一點漁村風味，值得一試。

「玫瑰露煮青口」，一個幾新穎的煮法，以玫瑰露代替白酒，更添陣陣幽香，鮮甜又開胃。

吃畢小食，係時侯上主菜了，每人選一款，我就㸃了「叉燒醬鱈魚」，在銀鱈魚上塗上香甜的叉燒醬，驟眼看還以為是黯然銷魂飯；魚肉嫩滑，飯條外層微脆，鵪鶉太陽蛋雖然細細隻，但蛋味香濃，想不到又真係幾好味喎。

「慢煮豬斧頭扒」約有一吋厚，以慢煮形式烹調，不單保存了肉汁、味道及色澤，肉質更是細嫩，配上伴菜及蘋果醬一起吃，更能突顯肉香。

「香辣蝦醬海鮮意大利麵」以新鮮青口加上爽彈的蝦仁作為主食材，意粉煮得不會過淋，配上惹味的香辣蝦醬，也算不錯。

「原隻波士頓龍蝦意粉」鮮爽味濃，蝦殼早已被輕輕破開，方便大家食用，意粉配上麻香作調味，惹味又好吃。

休息過後，又是滿足另一個胃的時候了，我們選了一客「甜品拼盤」、「經典拿破崙」及「士多啤梨拿破崙」。

甜品拼盤份量非常之大，包括有迷你鮮果雪糕芭菲、花生芝麻心太軟、十勝紅豆抹茶窩夫、士多啤梨、藍梅及火龍果，雪糕芭菲上更放有兩隻香脆的蝴蝶酥；最喜歡當中的十勝紅豆抹茶窩夫，紅豆香甜窩夫鬆脆，好吃。

本來想叫這裏最出名的芒果拿破崙，但因太受歡迎；一早已售罄；那就退而求其次，選了第二位的士多啤梨拿破崙，外層酥脆吉士香滑可口，加上爽甜冰凍的士多啤梨，又真係幾唔錯喎。

非常滿足的一夜，期望疫情快些完結，大家可回歸正常生活，不然就算病毒不來襲；也會屈到病呀！

I-O-N

地址: 中環皇后大道中93號中環街市1樓124-125號舖

電話: 91415863