生日飯局！

 

好友生日，當然要好好慶祝一下，帝京軒就在旺角火車站附近，位置方便，環境舒適，食物又有水準，自然成為我們首選的食店啦！

人未到齊，這些香脆的腰果及合桃，正好可邊吃邊等。

秋燥天氣，飲返碗清甜滋潤的老火湯(霸王花雪梨乾螺片煲豬腱)，真是至好不過；這湯水不但清熱生津，更有止咳等功效，而且非常美味！😋

第一味菜是「燒味三重奏」，碟中放有肥瘦均勻的金牌黑豚叉燒、皮脆肉嫩的冰燒五層腩 及 油脂豐盛的明爐潮蓮燒鵝，如加碗白飯更好。

天氣寒冷，和親朋好友一起吃返個暖笠笠的「砂鍋古法雙冬扣羊腩煲」，滋陰又補身；羊腩煮得軟腍，帶有少許羶味，配料十足，加上濃郁的湯底，好吃。

金鈎醬瑤柱珍寶蝦球銀絲煲～

爽口彈牙的珍寶蝦球，沾上香濃美味的金鈎醬，已覺出色；而墊底嘅銀絲粉，口感煙韌爽口，在吸盡兩大的精華後，更直逼主角的光環，忍不住吃了一大碗。

大廚把經典的家常菜，搖身一變升級為肉質軟腍又鬆化的「拔絲菠蘿咕嚕黑豚」；拔絲外層香脆，酸甜味道恰到好處，不錯吃。😍

陳年花雕藥膳走地雞煲～

氣溫驟降，一煲熱辣辣的雞煲食落更覺惹味，加上選用新鮮走地雞、藥膳及陳年花雕酒，食完感覺全身暖笠笠，滋味又好吃。

銀鈎臘味五穀糯米飯～

廚師先用水把糯米浸上一個晚上，之後把水分瀝乾，以蒸炒煮法，不停加水慢慢炒熟，配上臘味配料，上枱更是香氣撲鼻，真是色香味俱全，冬季必食！

舞茸鮮排骨煲仔飯～

舞茸菇口感軟腍，味道獨特，更帶有濃郁的香氣；排骨肉質鮮嫩，肥瘦均勻，食落有咬口；飯粒分明入味，煲邊還有少許飯焦，食落更覺香脆。

之前食咗咁多美食，一碟翠綠鮮嫩的「上湯浸菜心」，正合心意。

 

棗皇糕～

口感煙韌、彈牙、有咬口、不黏牙，食落不但有棗香，更帶有陣陣椰汁香味，而且甜度啱啱好，不錯吃。

生日當然要吃蛋糕，朋友預訂的這個星座蛋糕（脆脆榛果杏仁朱古力蛋糕），內餡是杏仁朱古力海綿蛋糕，加入適量榛果脆脆，外層以榛果雲呢拿忌廉 及 70% 軟朱古力製作而成，甜度適中，鬆脆又好吃。😋

#老火湯(霸王花雪梨乾螺片煲豬腱) $88/位

#燒味三重奏(金牌黑豚叉燒+冰燒五層腩+明爐潮蓮燒鵝) $338

#砂鍋古法雙冬扣羊腩 $568

#金鈎醬瑤柱珍寶蝦球銀絲煲 $468

#拔絲菠蘿咕嚕黑豚(例) $258

#陳年花雕藥膳走地雞煲(半隻) $288

#銀鈎臘味五穀糯米飯(例) $268

#舞茸鮮排骨煲仔飯 $238/位

#帝京軒

地址: 旺角太子道西193號帝京酒店3樓

電話: 26226161