朋友極力推介嘅私房菜，驚喜不斷，味道出眾，部份更有點分子料理的影子；原來大廚的家姐在海鮮檔工作，能夠第一時間拿到當日最好又最新鮮的食材；據說現在想星期五六日訂位，要排到2024年，認真誇張。
雖然地點比較隔涉，離地鐵站又遠(大約要行15分鐘)，但一樣冇阻我哋為食嘅心態。
人未到齊，一於食住蝦片等，邊框炸到五顏綠色，驟眼睇仲以為係沙律菜；蝦片酥脆唔油膩，一口一件剛剛好，送酒一流。
吃了多味菜式，其中有幾樣印象特別深刻，第一味係「堂勺鮮鮑魚」，以三隻鷄熬煮超過7小時的湯底濃鮮卻清澈，片得薄薄的鮮鮑片在鍋中游淌數秒，熟度剛好，軟中仍帶點靭勁，索滿雞湯精華，美味毋庸置疑。
但令我印象更深、回味再三的，反而是這怡保芽菜，短小肥美的外型有點像銀針粉，口感甜鮮爽脆，與雞湯結合，好味度爆燈！！
第二味係「黯然炒蟹」，這個「黯然炒蟹」，吃了一口後包保你停不了；包含三款(奄仔蟹、肉蟹和膏蟹)蟹種，肉嫩膏豐，難得的是調料香辣而不嗆，只作為引子吊起肉鮮，另外周遭的配菜也不容忽視；蒜子蒜心也是好食到不得了！
第三味係「蒜香泡沫煎日本帶子」，以蒜蓉打成泡泡狀，空氣口感，又吃到濃濃的蒜蓉味，非常有趣；採用日本刺身級帶子，外層微微煎香後，放在切片的冬菇上；以濃郁的雞湯墊底，也令味道偏淡的帶子，滷入了不少鮮味，出色。
第四味係「芝士龍蝦多士」，蝦多士食得多，但這個升級板係以昂貴嘅龍蝦肉代替，再加上惹味的芝士汁同吃，又是另一種滋味；多士炸得酥脆，龍蝦肉鮮甜爽彈，本應是無懈可擊；可惜因我們顧住影相，令多士稍為變淋，未是最佳狀態，實在有點可惜。
第五味係「砂鍋生啫蒜子海魚」，砂鍋特性傳熱快、散熱慢、保温力強。當蓋子被掀開時，立時「香」、「煙」四起，一條約兩斤多至三斤重的野生海魚便呈現眼前。
大廚對時間的掌控精確，成品鮮滑爽彈，全沒辜負這優質食材。好友是好魚之人；「舞龍頭」的任務當然由她一手包辦啦。
第六味係「潮州菜寶炒飯」，上枱時用焗爐紙包起炒飯，據說可保持溫度，也可吸收飯中的水蒸氣，就算外賣拿回家也可保持乾爽；炒飯中加入了不少潮州菜寶，爽脆又入味，口感小辣更是惹味；可能因炒飯太好食，龍蝦及大蝦反而成為了配角。
因時間關係要早走，來不及吃最後的甜品「拔絲士多啤梨」，據說非常吸引，尤其係大廚把糖漿滴下做成拔絲時的功架，更是拍案叫絕，希望下次有機會再來，可以食到啦！
3A廚房
地址: 荃灣橫龍街32-40號興盛工業大廈9樓H室
電話: 92999860
沒有留言:
張貼留言