早前在咖啡店跟友人偶遇，言談甚歡，決定擇日再聚。選址這裡，皆因上次的美食經驗，雖然今次人少少，但也不忘興趣。
因太少人，事先詢問老闆娘意見，她介紹了很多食物給我們，最後選了以下幾款。
金不換炒薄殼～$148/例
很多人聽到這名字就會流口水，也是夏天吃潮汕菜最常叫的美食，老婆每到夏天都說着要吃；新鮮食材配上簡單的調味，味道已很鮮甜，肉嫩多汁；朋友直情想叫碗白飯來送，就可知是多麼好吃了。
據說現在還未到最當旺的季節，應該是七八月吧，到時一於再攪局來嘗嘗。
金湯石榴蟹～$128/件(4件起)
一口咬開石榴狀的包子，先是蟹的鮮香，再來是冬菇、蝦米、爽脆的馬蹄及芹菜粒，味道豐富有層次！濃濃的金湯除香甜的南瓜外；還混和了雞湯，一啖金湯一啖蟹，直情好食到耳仔郁！
煎蠔烙～$168/例
潮州話說烙，其實是指用鏟在圓形鑊中煎食材；蠔烙經過反覆煎炸，外層煎至兩面金黃，食落香脆而唔油膩；蠔仔鮮甜多汁又大隻，四個人食完全冇難度！
凍食龍脷～$488
因我們只得四個人，一條又實在太多，所以選擇了半條；那要頭還是尾好呢？
侍應說想吃多肉就要頭，想食實淨一點就要尾，最後選了魚頭部份；龍脷魚非常大條，外形成扁平狀，有啲似我們的舌頭，所以一般人多數叫它龍脷、方脷，撻沙等；龍脷肉質細嫩、鮮甜、營養豐富，但味道比較清淡，如喜歡濃味一點，可選擇加少許豆瓣醬來提鮮。
凍龍利配這支無濾過生原酒，真係超級合拍！連一向小飲酒的友人，也要多添一杯好好品嚐一下。
墨魚丸鮮茄潮白菜煲～$208
上次食過大家讚口不絕，今次再嚐，同樣出色；墨魚丸擁有濃濃的墨魚香味，實淨有口感，湯底清甜滋潤又好味；臨尾加個菜幫助消化，當然更合心意。
本來想吃反沙芋頭，可惜落單時，已告售罄；再看餐牌，選擇了福果芋泥、甜鼠殼粿及二碗福果姜薯糖水。
福果芋泥～$60
芋泥很容易炒焦，因要不停手地翻炒，炒得稍慢就會黏底，所以很少人會在家自己做，要食就出街食吧；很喜歡那陣芋頭香味，芋頭炒至微爛，質地軟滑夠粉，再加入少量福果，口感更佳；四個人每人分少少吃剛剛好。
甜鼠殼粿～$30
外層煎至微脆，食落有一陣油香味，中間係清甜的綠豆蓉，甜度啱啱好，每人只分得一小件。
福果姜薯糖水～$50
姜薯為潮陽特產，外形雪白，入口嫩滑爽脆；福果指的是白果，入口軟綿煙韌，因自帶微毒性，不適多吃；糖水甜度適中，味道清甜，是令人一吃便愛上的甜品。
始終因人少，很多菜式也未能一試，先吊吊癮吧，一於等下次人多再試多幾味！
華苑潮州閣
地址: 尖沙咀北京道57號國都大廈2樓
電話: 21140889
沒有留言:
張貼留言