促成這次飯局全因一個男人 - 新任中菜行政總廚鄔進傑(Jacky)，大夥專程品嚐其精心設計的「總廚精選菜譜」。
餐前喝點白酒如何？這La Joya Reserva Sauvignon Blanc 2016色澤淡黃，帶葡萄柚和青蘋果等氣味；清新酸爽。
首先上場的是「八雞湯燉花膠」($368)～
想唔想像到碗中湯內含8隻三黃雞嘅精華、歷時8個鐘嘅燉煮，到底係咩滋味呢？有啲似輕盈版嘅雞汁；鮮香得要命！仲加埋手掌咁大嘅厚花膠，野生竹笙及菜膽；當刻根本係唔想講嘢，只想專心食(飲)嘢囉！
「黃燒濃汁津白卷惹味蝦球」($248)～
據說曾是御前膳食，這道心思菜以南瓜、甘筍及櫻花蝦煮成的濃汁，燴以蝦膠和豆腐作餡料的津白卷，味道清甜帶鮮；口感軟滑，再加上爽彈的大蝦球，真的令人食到笑哈、哈！
「火焰桂花風鱔球」($388)～
金光燦爛，很有小鳳姐出場的氣勢！隨錫紙揭盅的風鱔球經焰火點燃後散出陣陣桂花陳酒香，末吃已口水直流；用料也講究，只取最肥美的部分，急不及待咬一口，微脆的外皮、肉質厚彈，以桂花陳酒及桂花糖調成的糖漿，令鱔球添加了一份甜蜜滋味！
「話梅肉桂酥香肉排配自家醃子薑」($288)～
肥瘦均稱的肉排以話梅作調味，集酸、甜、鹹於一身，豐腴而不膩；軟熟酥香，伴自家醃製子薑、話梅粉，連同南乳薄脆同吃，味道與口感也照顧週全。
梅菜菜心伴炸羽衣甘藍，作為主菜前的中塲菜；也絕不馬虎，柔嫩翠綠的菜心與惹味的梅菜十分登對，綴以炸得香脆的羽衣甘藍，相當討喜。
「鴛鴦銀絲回味蟹」($488)～
贏得香港旅發局舉辦的 2016美食之最大賞(蟹組至高榮譽金獎)，亦是今晚的重頭戲。
採本地的優質玉蟹，斤兩十足，來自中國和日本的粉絲，再加上韓國年糕，蟹籽及櫻花蝦，一口吃下去，不同層次的質感在口腔內交織，吸盡蟹之精華，正到呢!!!
「十五年花雕窩燒竹絲雞炒飯」($258)～
吃之前先把15年花雕沿鍋蓋邊緣傾倒，酒香慢慢滲入飯中；內有蟹肉、欖仁、杞子、瑤柱及拆肉竹絲雞；飯炒得香囗乾身，吃後頓覺暖身又滿足。
「甜意綿綿」($78)～
以三款甜品作為結尾，包括：南瓜奶黃炸湯圓、楊枝甘露、金箔燕窩蛋撻。
流沙奶黃湯圓外層炸得微脆，內裡軟糯、南瓜奶黃熱燙香甜；未吃過真係要試吓；楊枝甘露和燕窩蛋撻則好吃得來穩紮穩打。
位置雖有點不就腳，如作為一個假日的食+玩去處；這裡未嚐不是一個好地方。
粵
地址: 屯門香港青山公路1號香港黃金海岸酒店低層地下
電話: 24528668
沒有留言:
張貼留言